＃窮人生仔
＃我盡量都想我學生好
＃結果做死我自己
#CU1651
"公屋戶學生online learning實況舉偶：
-屋企嘈到帶住耳機（喺唔傷害聽覺嘅音量下）開盡聲播歌都聽到好多噪音（eg死性不改嘅屋企人播電視傾電話、鐘意裝修裝幾個月嘅鄰居），寧願嘥個口罩落街坐巴士總站jam csl WiFi都唔想留喺屋企。
-300呎住6個人，開cam virtual background永遠都會見到佢身後嘅屋企人、雜物，佢自己個樣都出唔到。
-同幾個朋友一齊租服務式住宅，為左平酒店由大西北搬去南區，捱便利店飯盒當兩餐。
-屋企人有情緒病，只要喺屋企出現就會比人當出氣包，喪鬧喪嘈，離譜啲嘅甚至會郁手。只有佢哋唔喺屋企/瞓晒覺，先會有專心做嘢嘅機會。
-書院宿舍唔比住，喺屋企同屋企人同房瞓，一夠11點就熄燈瞓覺，要匿埋喺被竇趕asm，仲要聽實同房嘅屋企人有冇醒咗，醒左就要扮瞓覺。
（解：攞綜援嘅學生係有full grant，住宿舍會舒服過住屋企，仲要有政府資助）
-喺屋企就比屋企人當唔洗上堂放假，一睇任何電子產品就當你打機。比人點做好多家務，搞到要每日早出晚歸避開屋企人。
-屋企住離島/郊區，冇光纖入屋嘅網絡質素，要做asm/上堂只可以出出面撲WiFi，甚至為左準時交asm要搭N車通宵van返屋企。
以上只係諸多例子嘅冰山一角，此post無意鬥慘，亦無意批鬥任何持份者，不過希望比其他家境富裕少少嘅大學生們了解下一啲有實際需要嘅同學仔到底有咩嘅困難。佢哋家庭環境不及其他人，佢哋都唔想，唔通叫佢哋鑽返入阿媽個肚裏面？
得閒上CU secret出post批鬥，不如諗下點樣可以幫到佢哋好過啦😊"
Search